Gizartea eraldatzeko zinema

Al Borde films-en zinema askatasun eta eragin gune gisa ulertzen dugu. Al Borde gara dokumentala eta fikzioa bereizten dituen lerro finean mugitzen garelako. Zinema eta telebistarako proiektu propioak eta enkarguzkoak egiten ditugu, baita kanpoko produkzioetan laguntzea ere. Ikus-entzunezko ekoizle gisa hasi genuen bidea 2015. uretan, Bilbon.

Filmak

Ikusarazi

Bideo sozial korporatiboak sortzen ditugu, lan egiten dugun erakundeen balioetan eta ikerketetan oinarritutako hausnarketak eta mugimendu kritikoa bultzatzeko tresna gisa. Ikus-entzunezkoak eskaintzen dizkigun sormena eta tresnak erabiltzen ditugu paperetik pantailara pasatzeko.

Bideoteka

NOTICIAS

¡Apoya la campaña de impacto de Flying Hands!

Ikusi

NOTICIAS

Flying Hands camino a los Goya 2025 en la candidatura de Mejor Película Documental.

Ikusi

Zerbitzuak

Sorkuntza-dokumentala

Ez-fikziozko zinema maite dugu. Enkarguzko dokumentalak egiten ditugu erakunde, GKE, elkarte, instituzioa edo enpresentzat, istorio eraldatzaile eta inspiratzaileak zabaltzekobaita injustizia egoerak eta eskubide urraketak salatzeko ere. Ikuspegi sortzaile eta bereizlea ematen dugu beti, bai narratiban, bai alderdi bisualean. Ikusezintasunetik istorio indartsu bat atera nahi duten beste ekoiztetxe batzuekin batera ekoizten dugu.

Erreportaje informatiboa

Dibulgazio-helburua duten erreportajeak egiten ditugu. Gai edo ikerketa bat azaldu, testuinguruan kokatu edo aztertu behar baduzu, genero honetako tresnak jartzen ditugu zure eskura, nahi duzun publikoarengana modu argi, zorrotz eta sortzailean iristeko. Audientzia-azterketa bat egiten ere lagunduko dizugu, proiektuaren irismena maximizatzeko.

Sare sozialetarako eta publizitaterako kanpaina

Sare sozialek eskaintzen dizkizuten aukera guztiak aprobetxatu nahi dituzu? Bideo on bat noraino irits daitekeen jakiteak harrituko zintuzke. Kanpaina berritzaileak sortzen ditugu komunikazio-kit bat barne, betiere zure nortasunera egokituta. Zer ikusarazi edo sustatu behar duzu? Kontaiguzu. Erronkak izugarri gustatzen zaizkigu.

Ikastaroak eta tailerrak

Ikus-entzunezkoen arloan, edozein adinetara egokitutako tailerrak koordinatu eta ematen ditugu. Fikziozko edo dokumentaleko telesail eta filmen azterketa, gidoitik ediziora arteko elkarlaneko sorkuntzak, collagea eta kartelak... tresna egokiak bilatzen ditugu bertaratutakoen kezketara hurbiltzeko. Jardunaldi pertsonalizatuak antolatzen ditugu mugarri espezifikoen inguruan, eta esperientzia handia dugu ikastetxeetako proiekzio eta hitzaldietan.

Zerbitzu orokorrak

Edozein generotako ikus-entzunezkoen garapen eta ekoizpen fase guztietan gaude. Ekoizlea zara eta gidoi baten irakurketa-txostena behar duzu? Telesail baten gidoi-taldea indartu nahi duzu? Filmazioetarako ekoizpen taldea behar duen ekoiztetxe edo agentzia zara? Esperientzia dugu ikus-entzunezko mota guztietako proiektuetan. Lokalizazioak bilatzen eta kudeatzen ditugu, fixer-zerbitzuak ematen ditugu eta tokiko taldea koordinatzen dugu. Zure filma, seriea edo programa editatzeko kanpoko ikuspegi baten bila bazabiltza, gure instalazioetan edo gu mugituz egin dezakegu.